Alessandro e l’astuto asinaio

Alexander, Macedonum rex, olim ab oraculo monitus est ut, si vellet suas res feliciter evenire, interficiendum eum curaret, qui sibi porta egresso primus occurrisset. Itaque asinarium forte sibi obvium factum ad mortem mitti iussit. Asinario quaerenti quidnam se immerentem innocentemque capitali supplicio afficeret, rex ad se excusandum oraculi praeceptum exposuit. Tum ille: «Si ita est, – inquit – rex, alium sors huic morti destinavit: nam asellus, quem ante me agebam, prior tibi occurrit!». Delectatus Alexander et illius tam callido responso et quod ipse ab errore revocatus erat, occasionem in asello expiandae religionis arripuit. Summa in rege mansuetudo, summa quoque in asinario calliditas!