Decimo anno postquam Hannibal in Italiam inierat, P. Sulpicio Cn. Fulvio consulibus Hannibal usque ad quartum miliarium Romae prodiit, equites eius usque ad urbis portas subierunt. Mox metu consulum cum exercitu prodeuntium, Carthaginiensium dux in Campaniam se recepit. In Hispania a fratre eius Hasdrubale ambo Scipiones, qui per multos annos victores fuerunt, interfecti sunt, at exercitus integer mansit. Eodem tempore a Marcello consule Siciliae magna pars capta est, et etiam nobilissima urbs Syracusae, ex qua ingens praeda Romam perlata est.
- Latino
- Lingua Viva 2
- Versioni dai Libri di Esercizi
