Scipio ex Hispania Romam rediit et ante legitimam aetatem consul factus est. Cum ei decreta esset provincia Sicilia, ille Syracusas adiit, ubi a senatu ei imperatum est ut in Africam inde traiceret ad bellum contra Carthaginienses conficiendum. Tum Scipio, cum vellet equitum numerum augere cum trecentis ex suis fortissimis peditibus nec posset eos statim armis equisque instruere, id callido consilio adeptus est. Trecentos iuvenes, totius Siciliae nobilissimos ac ditissimos, elegit velut eos ad oppugnandam Carthaginenem secum ducere vellet, eosque iussit celeriter arma equosque ad bellum parare. Edicto consulis paruerunt iuvenes, sed ne bellum in Africa nimis diutinum ac grave esset maxime timebant. Tunc Scipio pollicitus est se illis istam expeditionem remissurum esse, si arma equosque Romanis peditibus dedissent. Laeti condicionem acceperunt iuvenes Siculi; itaque Scipio sine publica impensa suos milites armis equisque instruxit.
- Latino
- Maiorum Lingua B
- Versioni dai Libri di Esercizi
