Bacchus vini et vindemiae deus est et ab antiquis Italicis populis Liber appellatur: nam vinum animos curis liberat. Bacchi cerimoniae semper iucundae sunt, sed etiam effrenatae: nota enim sunt orgia bacchica. Itaque multi Bacchum spernunt neque deum magnis sacrificis honorant; tum deus contra stultos superbosque inimicos bella gerit et adversarios saevis poenis punit. Etiam ab Indiae populis Bacchus colitur: deus iuga Nysae multum amat ibique cum Satyris saepe saltat. Asiae et Europae agricolae, ornati pampinis uvae, Bacchum laeto animo celebrant: viri feminaeque saltant, tympana habent et quatiunt.
- Latino
- Lingua Viva 1
- Versioni dai Libri di Esercizi
