Imperator Caligula arbitratus est, nisi Germani sponte sua in Romae dicionem venirent, se repente expeditionem contra eos gesturum esse. Neque enim eam distulit, sed legionibus et auxiliis undique excitis, dilectibus ubique acerbissime usus, contracto omnis generis commeatu quanto numquam antea, expeditionem ingressus est. Iter confecit modo tam festinanter et rapide, ut praetorianae cohortes – contra morem maioribus dignum – signa iumentis imponere et ita principem Caligulam subsequi cogerentur, qui contra procedebat adeo segniter et delicate, ut octaphoro veheretur. Interdum iussa praecipiebat: a propinquarum urbium plebe verrerentur sibi viae et aqua conspergerentur ut pulvis exigeretur.
- Latino
- Lingua Viva 2
- Versioni dai Libri di Esercizi
