Versione del Carme 11 di Catullo
Furi et Aureli comites Catulli,
sive in extremos penetrabit Indos,
litus ut longe resonante Eoa
tunditur unda,
sive in Hyrcanos Arabesve
molles,
seu Sagas sagittiferosve Parthos,
sive quae septemgeminus colorat
aequora Nilus,
sive trans altas
gradietur Alpes,
Caesaris visens monimenta magni,
Gallicum Rhenum horribile aequor ulti- mosque Britannos,
omnia
haec, quaecumque feret voluntas
caelitum, temptare simul parati,
pauca nuntiate meae puellae
non bona dicta.
cum suis vivat valeatque moechis,
quos simul complexa tenet trecentos,
nullum amans vere, sed identidem omnium
ilia rumpens; nec meum respectet, ut ante, amorem,
qui illius culpa cecidit velut prati
ultimi flos, praetereunte
postquam
tactus aratro est.
- Latino
- Carmina di Gaio Valerio Catullo
- Catullo
