Agriculturae imperiti et plurimis periculis obnoxii, homines agros et silvas peragrabant tempus degentes sicut ferae. Itaque Ceres hominum condiciones sublevare voluit: nam dea, mater frugum, benevolentissime frumenti usum hominibus praecepit. Postea etiam Prometheus operam dedit ut hominibus genus vitae minus asperum magisque idoneum humanae infirmitati esset: Minervae auxilio in caelum celerrime ascendit et ignem surripuit ut generose hominibus donaret. Res iam prospere evenerat, sed Iuppiter dolum detexit Prometheumque saevissimo supplicio punivit: ad rupem in Caucaso ferreis clavis fixit, aquila iecur noctu recrescens interdiu vorabat. Prometheus igitur poenas perpetuas et immutabiles dedit, sed propter ignis donum homines quam optime vitam egerunt.
- Latino
- La Lingua delle Radici 1
- Versioni dai Libri di Esercizi