Notum est secundo Punico bello apud Zamam Hannibalem victum esse a Pubio Cornelio Scipione qui, ob illam victoriam, “Hafricanus” cognominatus est. Tradunt post aliquos annos duo clarissimos duces, Scipionem et Hannibalem, in colloquium venisse et hunc sermonem inter se fecisse. Scipio ex Hannibale quaesivit quem maximum omnium temporum ducem putaret; Hannibal respondit se maximum ducem Alexandrum, Macedonum regem, putare, quod paucis copiis innumerabiles exercitus in Asia fudit et quod ultimas oras terrae visit ultra quas nemo umquam fuit. Deinde Scipioni Africano quaerenti quem secundum poneret, Hannibal respondit se secundum Pyrrum, Epiri regem, putare, quod primus docuit castra ponere et presidia disponere. Postremo Scipio ex Hannibale quaesivi quem tertium maximum ducem putaret: Hannibal haud dubie semetipsum tertium esse respondit.Tum risit Scipio et dixit: “Quid tu dicéres si me vicisses?”. Réspondit Hannibal “Tum vero putarem me etiam ante Alexandrum et ante Pyrrum et ante alios omnes imperatores esse”.
- Latino
- Maiorum Lingua B
- Versioni dai Libri di Esercizi