Narrant rerum scriptores, cum Alexander iter suscepturus esset, Macedonum castris appropinquavisse Indorum legatos cum multis donis. Cum in regis conspectum venissent, obsides, currus, equos, vestes purpureas, scuta Indica, leones rarae magnitudinis et tigres praebuerunt, Alexandri fidei dicionique permissuri libertatem per tot aetates inviolatam. Rex eos et eorum populos deditos in fidem accepit; deinde iussit partem copiarum duci ad amnem per quem navigaturus erat. Is autem in fines Mallorum cum reliquis militibus secundo amne vehitur. Inde in Sabarcas contendit. Homines qui in agris prope amnem erant, conspicientes totum agmen navigiis constratum et tot militum arma fulgentia, territi nova facie, fugerunt. Statim legati missi sunt gentem dedituri.
- Latino
- La Lingua delle Radici 1
- Versioni dai Libri di Esercizi
