Antiqui, cum res graves vel bellum suscepturi erant, semper haruspices consulebant; ei ex avium volatu vel ex victimarum extis praedicebant facta eventura. Multa vero haruspicum responsa tristes exitus habuerunt; quare nonnulli homines, inter quos Hannibal, nullam fidem tam fallacibus auspiciis tribuebant. Olim rex Prusia, cum bellum contra Romanos suscepturus esset, infaustum omen metuit. Itaque bellum suscipere dubitabat, quamvis Hannibal, in consilium bellicum advocatus, ab eo dissentiret. Nam Carthaginiensis sic contraria refutabat: «Tu, rex, carunculae vitulinae credis magis quam mihi, qui tot bella gessi et tam rei militaris peritus sum».
- Latino
- La Lingua delle Radici 1
- Versioni dai Libri di Esercizi
