Haud procul Henna, stagnum limpidis aquis est. Stagnum a cycnis canoris frequentatur. Silva coronat aquas et suis foliis, ut velo, Phoebeos radios summovet. Huc Proserpina venit et violas aut candida lilia magno studio carpit, cistam implet et socias superare certat. Ubi Proserpinam vidit, Inferorum dominus statim eam adamavit, et matutina hora eam rapuit. Puella frustra Demetram et socias invocavit, dum lilia et violae de tunica cadunt. Per equorum colla et iubas deus obscuras habenas excussit. Per sacra stagna, per ruptas terras miseram Proserpinam raeda traxit. At Demetra impavida per totas terras filiam requisivit, et cum Aurora udis capillis ab Oceano surrexit et cum Hesperus per caelum primas umbras diffudit. Et cum tenebrae oculos perstrinxerunt, flammiferas pinos succendit et filiam invocavit.
- Latino
- La Lingua delle Radici 1
- Versioni dai Libri di Esercizi
