Doveri del proprietario terriero

DE AGRI CULTURA DI CATONE, VERSIONE DOVERI DEL PROPRIETARIO TERRIERO TRADOTTA – TESTO LATINO. Prima adulescentia patri familiae ager conserendus est. Antequam aedificet, diu cogitandum; conserere cogitare non oportet, sed facere oportet. Ubi aetas accessit ad annos XXXVI, tum est aedificandum, si agrum consitum habeas. Patrem familiae villam rusticam bene aedificatam habere expedit: cellam oleariam vinariam, dolia multa, uti libeat caritatem expectare. Villam urbanam pro copia aedificato. In bono praedio si bene aedificaveris, bene posiveris, ruri si recte habitaveris, libentius et saepius venies, fundus melior erit, minus peccaturus es, fructi plus capies. Vicinis bonus esto. Si te libenter vicinatis videbit, faciliustua vendes, operas locabis, operarios conduces. Siquid bona salute usus venerit, benigne defendent