Vulgare amici nomen, sed rara est fides.
Cum parvas aedes sibi fundavisset Socrates, quidam ex populo sic dixit, ut fieri solet: «Quaeso, tam angustam domum talis vir ponis?». «Utinam – inquit – verisamicis hanc impleam!».
Cum duo milites in latronem incidissent, unus profugit, alter autem restitit et ei forti ter repugnavit. Latrone occiso, timidus comes accurrit et stricto gladio: «Cedo – inquit – illum; iam curabo ut sentiat quos attentaverit!». Tunc is qui depugnaverat «Vellem istis verbis saltem adiuvisses modo; constantior fuissem, existimans (verba tua) vera. Nunc conde gladium et linguam pariter futtilem. Ut possis alios ignorantes fallere, ego certe, qui sum expertus quantis viribus fugias, scio quam virtuti tuae credendum non sit». Haec narratio assignari debet illi qui re secunda fortis est, (re) dubia fugax.
- Latino
- Maiorum Lingua C
- Versioni dai Libri di Esercizi
