Duae pulchrae mulieres in bivio Herculi adulescenti obviam eunt. Altera, pulchris ornamentis onusta, blanda voce dicit: «Ego Voluptas appellor et hominibus expeditum iter praebeo. Si via mea ibis, animum tuum magnis gaudiis delectationibusque explebis». Altera mulier, sordida veste induta Hercûli dicit: «Ego Virtus appellor. Noli Voluptatis illecebras audire, sed viam meam elige! Per iter longum et asperum te ducam, ad altos montes ascendes, rapida flumina transibis, multa pericula suscipies, sed tandem ad gloriam aeternam pervenies. Nam voluptates cadücae sunt, virtutis laus, autem, in aeternum vivet et ego tibi gloriam aeternam promitto». Hercules his verbis credit et sine mora Virtutis viam eligit.
- Latino
- Maiorum Lingua A
- Versioni dai Libri di Esercizi
