In Africa est Nilus; Nili aquae Aegyptum irrigant et limo terras fecundas faciunt. In India fluit Indus, notus Europa post Alexandrum Magnum; ille enim a Mesopotamia et Persia usque ad Indum perveniebat. In Germania Rhenus fluit; is est clarus magna aquarum copia. In Italia magnus est Padus; Padus incipit ab Alpibus et fluit usque ad Hadriaticum. Ille magnam aquae copiam ab aliis rivis recipit. Ab antiquis poetis Padus Eridanus appellabatur. Arnus Etruriam percurrit, Tiberinus Latium. In ripis Tiberini est Roma. Vergilius poeta eum dicit flavum.
- Latino
- Lingua Viva 1
- Versioni dai Libri di Esercizi