Tristis sum digressu Umbricii veteris amici, eum tamen laudo quod suam sedem figere vacuis Cumis destinavit: itaque ille unum civem donabit Sibyllae. Ianua Baiarum Cumae sunt et gratum litus amoeni secessus. Ego vel Prochytam praepono Suburae. Nullus locus enim est miserior vel deterior nostra Roma, ubi vivimus cum incendiorum metu, lapsus tectorum adsidui ac cum innumerabilibus periculis saevae urbis. Sed dum tota Umbricii domus in raeda componitur una, amicus mecum substitit apud veteres arcus madidamque Capenam. Hic, ubi rex Numa cum nocturna amica, Egeria nympha, conveniebat, nunc sacri fontis nemus et delubra locantur Iudaeis, quibus cophinus faenumque est una supellex; in vallem Egeriae descendimus et speluncas dissimiles veris speluncis.
- Latino
- Lingua Viva 1
- Versioni dai Libri di Esercizi
