Erant in eadem legione duo centuriones, Titus Pullo et Lucio Vorenus, fortissimi viri, qui virtute ceteros longe superabant. Hi perpetuas inter se controversias habebant, uter alteri virtute gloriaque anteferretur. Cum hostes Romanorum castra obsiderent, Pullo, ut alterum provacaret:”Quid dubitas,- inquit – Vorene? Aut aliam occasionem exspectas ut tuam virtutem probes? Hic dies de nostris controversiis iudicabit”. Haec cum dixisset, processit prior extra castra et in eam partem ubi plerique hostes erant, irrupit. Nec alter centurio in castris intra vallum se continuit sed, omnium existimationem timens, eum subsecutus. Mediocri spatio relicto, Pullo pilum in hostes immisit atque unum ex multitudine procurrentem traiecit. Tum vero universi hostes in illum impetum fecerunt atque tela coniecerunt. Vorenus, cum inimicum in magno periculo vidisset, veteres controversias neglegens, ei succurrit. Hostium multitudo ad hunc confestim se convertit. Vorenus gladio comminus pugnavit atque uno interfecto reliquos paulum propellit, sed, dum cupidius instat, humi concidit. Ei circumvento ab hostibus Pullo subsidium tulit atque uterque incolumis, compluribus interfectis, summa cum laude in castra recepit. Itaque alter alteri auxilio salutique fuit neque iudicari potuit uter potior virtute esset.
- Latino
- Maiorum Lingua B
- Versioni dai Libri di Esercizi
