Laudantur oratores veteres, Crassi illi et Antonii, quod crimina diluere dilucide, quod copiose reorum causas defendere solerent; nimirum illi non ingenio solum his hodiernis patronis, sed fortuna etiam praestiterunt. Nemo enim tum ita peccabat, ut defensioni locum non relinqueret; nemo ita vivebat, ut nulla eius vitae pars summae turpitudinis esset expers; nemo denique, in manifesto peccato deprehensus, ita impudens erat ut se id fecisse negaret.
- Latino
- Maiorum Lingua C
- Versioni dai Libri di Esercizi