Narrant olim astrologum quendam, qui noctu sidera contemplaturus saepe domo agrediebatur, olim, cum extra urbem ambulans oculos et mentem in astris defixos teneret, puteum non vidisse et in eum delapsum esse. Quo casu cum is vehementer quereretur et frustra ut illinc evaderet niteretur, viatur quidam qui forte per ea loca transgrediebatur, hominis gemitibus auditis, cum ad puteum accessisset, eum vidit et, nulla interposita mora, ei succurrit et auxilium praebuit ut e puteo egrederetur. Cum astrologus e pavore se recepisset, viator eum percontatus est quis esset et quid solus ibi media nocte faceret. Tum astrologus narravit se in puteum delapsum esse quia illum non viderat, quod oculos in caelum defixos tenebat ut sidera contemplaretur. Tum viator respondit: “Ego vero admiror te, dum caelestia diligenter contemplaris, terrena, quae ante pedes tuos sunt, non intueri. Oculis proinde ducibus utere cum deambulas!”.
- Latino
- Maiorum Lingua B
- Versioni dai Libri di Esercizi
