Gallorum concilio convocato, omnes maximae tribus convenerunt. Aliis rebus actis, Carnutes adfirmant se communis salutis causa nullum periculum recusare et promittunt se primi ex omnibus Gallis bellum contra Romanos facturos esse. Postea, collatis militaribus signis, petunt ne, initio belli facto, ab aliis deserantur. Denique, dato iureiurando ab omnibus, qui ad concilium convenerant, Gallorum principes, collaudatis Carnutibus, tempore seditionis constituto, conventum dimittunt. Cum dies statuta venit, Carnutes, Cotuato et Connetodumno ducibus, hominibus desperatis, Cenabum, signo dato, cum suis copiis concurrunt civesque Romanos, qui in oppido ut mercaturam facerent erant, interficiunt eorumque bona diripiunt.
- Latino
- Maiorum Lingua A
- Versioni dai Libri di Esercizi
