Antiquitus Syriae litora a Phoenicibus, peritis nautis callidisque mercatoribus, habitabantur. Phoenices agros non colebant, quia eorum terra frugifera non erat, sed ex ligno procerarum arborum, quae in regione crescebant, agiles rapidasque naves exstruebant et cum classibus suis totum Mediterraneum mare navigabant; saepe magna cum audacia in remotas ignotasque Oceani regiones perveniebant, quo suas merces importabant. In eorum itineribus multas colonias in Mediterranei insulis litoribusque condiderunt. Inter Phoenicum colonias praesertim eminebat Carthago, pulchra opulentaque urbs in Africae ora posita. Phoenices cum multis gentibus mercaturam faciebant: ex Britannis Hispanisque metalla, ex Graecis vasa,ex Afris ebur, ex Indis gemmas margaritasque importabant. Mercatura magnas divitias cumulabant: ita magna publica aedificia splendidaque templa Tyri, Sidone, Beryti aedificabant.
- Latino
- Maiorum Lingua A
- Versioni dai Libri di Esercizi
