Cimbri, Teutoni atque Tigurini ab extremis Galliae profugi, cum terras eorum inundasset Oceanus, novas sedes toto orbe quaesituri erant et cum exclusissent et Gallia et Hispania, in Italiam demigraturi erant; itaque miserunt legatos in castra Silani, inde ad senatum, petentes ut Martius populus sibi terrae daret quasi stipendium, ceterum manibus atque armis suis adhiberet. Sed populus Romanus agrariis legibus intra se dimicaturus erat neque terras Gallis dare poterat. Repulsi igitur, quod non potuerunt precibus, armis petere incipiunt. Nec primum impetum barbarorum Silanus, nec secundum Mallius, nec tertium Caepio sustinere potuerunt; omnes fugati sunt, exuti castris. Res in gravissimum discrimen erat, at Marius illi saeculo contigit.
- Latino
- Lingua Viva 2
- Versioni dai Libri di Esercizi