Galli, cum Macedoniam invasissent, ad radices montis Parnassi pervenerunt, ubi oraculum Apollinis colebatur et ab omnibus gentibus consulebatur. Post nonnullos dies Ptolemaeus, Macedonum rex, in acie caeditur et caput eius in lancea fixum per totam aciem a barbaris portatur. Pauci Macedones fuga perniciem vitaverunt: ceteri aut capiuntur aut occiduntur. Cum per totam Macedoniam clades nuntiaretur, omnium urbium portae clauduntur et numinum auxilium invocatur. Tandem, cum iam nulla spes salutis esset, Sosthenes Gallos victoria exsultantes compescuit et reppulit. Cum patriam liberavisset, Sosthenes, vir humili loco, ceteris principibus praepositus est et ab exercitu in acie rex appellatus est.
- Latino
- La Lingua delle Radici 1
- Versioni dai Libri di Esercizi
