Si magistratuum auctoritatem exquiramus, hanc esse eorum vim dicamus: praeesse civitati, praescribere recta et utilia et consonantia legibus. Si enim magistratibus leges praesunt, populo praesunt magistratus, vereque dici potest magistratum legem esse loquentem, legem autem (esse) mutum magistratum. Aptissimum porro imperium est ad ius condicionemque naturae, hoc est ad legem: sine imperio nulla domus, nec civitas, nec gens, nec hominum universum genus stare potest,nec rerum natura omnis nec ipse mundus; nam si hic deo paret, et huic oboediunt maria terraeque, etiam hominum vita iussis supremae legis obtemperat.
- Latino
- Lingua Magistra 2
- Versioni dai Libri di Esercizi
