Postea Numa Pompilius rex creatus est, qui bellum quidem nullum gessit, sed adiuvit civitatem tamquam Romulus. Nam et leges Romanis moresque constituit, qui consuetudine proeliorum iam latrones ac semibarbari putabantur, et annum descripsit in decem menses et infinita Romae sacra ac templa constituit. Morbo decessit quadragesimo et tertio imperii anno. Ei successit Tullus Hostilius. Ille bella reparavit, Albanos vicit, qui non longe ab urbe Roma sunt, Veientes et Fidenates, quorum alii sexto miliario sunt ab urbe Roma, alii octavo decimo, vicit et urbem ampliavit. Postquam is triginta et duos annos regnaverat, fulmen in regia eum arsit.
- Latino
- Lingua Viva 1
- Versioni dai Libri di Esercizi
