Ut Ligustinum bellum tandem componeret, Romanorum senatus statuit ut omnes Ligures Apuani deducerentur ex montibus in loca campestria procul a domo, ne ulla reditus spes esset. Cum postea Senatus, ut Ligures in Samnium traducerentur, constituisset, missi sunt ad eos duo consules cum ingenti exercitu ut senatus mandata perficerent. Consules edixerunt ut ii de montibus descenderent cum liberis coniugibusque omniaque sua secum ferrent. Ligures, ne cogerentur relinquere Penates, sedem, domos, maiorumque sepulcra, arma obsidesque Romanis promiserunt. Sed, cum nihil impetravissent neque vires nec opes, ut bellum peragerent, haberent, edicto paruerunt. Traducti sunt publico sumptu quadraginta milia virorum cum feminis puerisque.
- Latino
- Maiorum Lingua A
- Versioni dai Libri di Esercizi
