Tradunt olim in Epiro repertum esse corpus hominis per insidias occisi, apud quod erat canis, qui fame sitique confectus domini corpus relinquere nolebat idque fideliter custodiebat. Qua re cognita, Pyrrhus rex iussit cadaver sepeliri, canem autem ad se ipsum adduci, ut nutriri ac curari posset. Post aliquot menses, cum Pyrrhus exercitum recenseret, canis, qui apud eum erat, repente aures erexit et contra unum ex militibus vehementer latrare coepit. Qui cum latrare non desineret, rex omnesque qui aderant oculos in militem verterunt, qui effugere temptavit. A regis satellitibus captus, miles crimen confessus est, quare Pyrrhus eum capitis damnavit.
- Latino
- Maiorum Lingua B
- Versioni dai Libri di Esercizi
