Il cibo e le stagioni

Vide ut tempus quoque anni consideres. Hieme cibus maior sit, minus sed meracius bibatur; multum panem edes, carnem potius elixam, modice holera; semel in die cibum capies, maxime cum nimis venter adstrictus est. Eo tempore anni cura ut omnes potiones calidas bibas vel quae calorem moveant. Aestate vero et potione et cibo saepius corpus eget; ideo prandere quoque commodum est. Ei tempori aptissima sunt et caro et holus, potio dilutissima, ut et sitim tollat nec corpus incendat; frigida lavatio, caro assa, frigidi cibi vel qui refrigerant. Saepius autem egebis cibo, sed exiguus erit. Per autumnum propter caeli varietatem periculum maximum est. Itaque neque sine veste neque sine calceamentis ambulabis, praecipueque diebus frigidioribus; cura autem ne sub divo nocte dormias. Cibo vero iam minore egebis, minus sed meracius bibito.