Q. Metellus in ea oratione quam habuit supremis laudibus patris sui L. Metelli pontificis, bis consulis, dictatoris, magistri equitum, quindecemviri agris dandis, qui plurimos elephantos ex primo Punico bello duxit in triumpho, scriptum reliquit decem maximas res optimasque, in quibus quaerendis sapientes aetatem exigunt, consummavisse eum. Nec enim hoc obliviscamur, quod Lucius optavit se primarium bellatorem esse, optimum oratorem, fortissimum imperatorem, auspicio suo maximas res geri, maximo honore uti, summa sapientia esse, pietatem habere et summum senatorem haberi, pecuniam magnam bono modo invenire, multos liberos relinquere et clarissimum in civitate esse. Oro ergo vos ne umquam contemnatis L. Metello haec contigisse nec ulli alii post Romam conditam.
- Latino
- Lingua Viva 2
- Versioni dai Libri di Esercizi
