Apud Phaedrum hanc fabellam legimus. Olim leo, omnium animalium princeps, pinguem vitulum in silva captum ante latibulum suum voraturus erat. Intervenit latro, qui illac transibat, et partem animalis, ut famem placaret, a leone petivit, sed leo: «Tibi partem vituli darem – inquit – nisi avidus improbusque esses: nam alios homines praedaris et totam praedam tibi soli tenes!»; sic latronem reiecit. Forte in eundem locum pervenit innoxius viator qui, beluam videns, perterritus pedem rettulit. Tum leo placidus: «Ne timueris, amice, – inquit – sed appropinqua. Tibi libenter ob modestiam probitatemque tuam partem praedae meae dabo et tu aequo animo accipe!». Statimque vitulum divisit et partem viatori dedit.
- Latino
- Maiorum Lingua A
- Versioni dai Libri di Esercizi
