Publicani, homini honestissimi atque ornatissimi, suas rationes et copias in Asiam
provinciam contulerunt, quorum res et fortunas augeri vestra interest; deinde ex ceteris ordinibus homines navi atque industrii
partim ipsi in Asiam negotiantur, partim eorum in ea provincia pecunias magnas conlocatas habere. Est igitur humanitatis
vestrae videre multorum civium calamitate prohibere, est sapientiae vestrae videre multorum civium calamitatem re publica
seiunctam esse non posse.
Primum etenim parvi refert nos, publicanis amissis, vectigalia postea recuperare. Quod nos bellum
Asiaticum docuit, id certe, calamitate docti, memoria retinere debemus. Nam, cum in Asia permulti magnas res amiserunt, scimus
Romae fidem concidisse. Non enim una in civitate multi rem ac fortunas ita possunt amittere, ut non plures secum in eandem
calamitatem trahant.
- Latino
- Versioni di Marco Porcio Catone
- Cicerone