T. Caelius Terracinensis, cum cenatus cubitum in idem conclave cum duobus adulescentibus filiis venisset, inventus est mane iugulatus. Cum neque servus reperiretur neque liber ad quem ea suspicio pertineret, duo autem filii, propter cubantes caedis tempore, sensisse se negarent, filii de parricidio accusati sunt. Quid poterat tam esse suspiciosum? Si filii sicarium audivissent, patrem defendissent, at nihil senserant. Quis autem ausus esset se in id conclave committere potissimum eo tempore cum ibidem essent duo adulescentes filii qui et sentire et defendere facile potuissent? Erat porro nemo in quem ea suspicio conveniret. Tamen, cum planum iudicibus esset, aperto ostio, dormientes eos repertos esse, iudicio absoluti adulescentes et suspicione omni liberati sunt. Omnes enim iudices hoc putabant: si filli omnia divina atque humania iura scelere nefario polluissent, somnum statim capere non potuissent, propterea quod qui tantum facinus commiserunt non modo sine cura quiscere sed ne spirare quidem sine metu possunt.
- Latino
- Lingua Magistra 2
- Versioni dai Libri di Esercizi
