La battaglia di Maratona

Darius, Persarum rex, magnam classem ingentesque copias paravit ut Graeciam occuparet. Postquam ad litora Atticae pervenerunt, Persae castra posuerunt in campo Marathonio, ut inde ad urbem Athenas contenderent. Tum Athenienses legatos ad Graecas civitates miserunt, ut auxilio venirent; sed soli Plataeenses mille milites miserunt. Duces Athenienses copias ex urbe eduxerunt, ut proelio dimicarent. Postero die Miltiades, Graecorum dux, copias instruxit in campo nonnullis arboribus consito et sub radicibus montis, ut mons Atheniensium terga tegeret et arbores hostium equites impedirent. Persarum dux, antequam Lacedaemoniorum auxilia pervenerunt, pugnare statuit. Itaque proelium commisit, sed Graeci mirabili virtute pugnaverunt et hostes profligaverunt. Ita Graeci libertatem servaverunt.