Romani, quia Fidenates foedera ruperant atque eorum legatos infanda caede necaverant, perfidos socios punire statuerunt. Statim Mamercum Aemilium dictatorem creaverunt, qui exercitum comparavit, in Fidenatium fines contendit et cum iis proelium commisit. Iam Romanorum legiones, acriter pugnantes, hostium copias fugaverant, cum repente ex oppido Fidenis erupit multitudo civium faces ardentes in manibus ferentium, qui in Romanorum milites impetum fecerunt. Inusitati proelii genus Romanos parumper exterruit sed dictator, eorum trepidationem videns, militibus laborantibus subsidio accurrit et magna voce exclamavit: «Romani, cur inermium civium ignes timetis? Faces ab iis eripite atque, virtutis Romanae memores, flammas in hostium urbem vertite Fidenasque incendite!». Milites, dictatoris verbis confirmati, proelium renovaverunt et fortiter repugnantes faces e manibus civium eripuerunt ac urbem incenderunt.
- Latino
- Maiorum Lingua A
- Versioni dai Libri di Esercizi
