Ipse Caracalla nomen accepit a vestimento longo usque ad talos, quod populo donaverat, quod ante non fuerat. Unde hodieque Antoninianae dicuntur caracallae huiusmodi, in usu maxime Romanae plebis. Is opera Romae reliquit thermas nominis sui eximias, quarum cellam solearem architecti subsequentes negant posse ulla imitatione, qualis facta est, fieri. Nam et ex aere vel cypro cancelli superpositi sunt, quibus cameratio tota concredita est, et tantum est spatium ut id ipsum fieri negent potuisse docti mechanici, timentes ne cameratio concidat. Quis ignorat quin Caracalla reliquerit et porticum patris nomine, quae gesta illius contineret et triumphos et bella? Idem princeps non recusavit quin
viam novam muniret, quae est sub eius thermis Antoninianis: non dubito quin ea pulchrius inter Romanas vias nihil inveniatur.
- Latino
- Lingua Viva 2
- Versioni dai Libri di Esercizi
