Apud antiquos poetas de Nioba fabulam legimus. Niobae, Tantali filiae et Thebanorum reginae, septem filii septemque filiae erant. Ea vere liberis suis superba erat. Olim, dum Thebani Latonae deae hostias immolant, Nioba sic exclamavit: «Thebani, Latonae aras relinquite et mihi sacra facite, quia ego multos liberos genui et eam supero». Ubi haec verba magna cum superbia pronuntiavit, Latonae iram excitavit; itaque dea eam punivit. Nam liberos suos, Phoebum ac Dianam, arcessivit: alter Niobae filios sagittis necavit, altera filias. Postquam ii Latonae vota solverunt, dei miseram Niobam in saxum converterunt: id semper lacrimas effundit.
- Latino
- La Lingua delle Radici 1
- Versioni dai Libri di Esercizi
