Post haec proelium committitur. Macedones in ferrum cum contemptu totiens a se victi hostis ruebant: contra Persae mori quam vinci praeoptabant.Raro ullo proelio tantum sanguinis fusum est. Darius, cum vinci suos videret, mori et ipse voluit, sed a proximis fugere compulsus est. Suadentibus deinde quibusdam ut pons Cydni fluminis, ad iter hostium inpediendum intercideretur:”Non ita volo, inquit, saluti meae consulere ut tot milia sociorum hosti obiciam; debt et aliis fugae viam patere quae patuit mihi”. Hoc proelio Alexander Asiae imperium rapuit, quinto anno post acceptum regnum, patienterque Persae, post imperium tot annorum, iugum servitutis acceperunt.
- Latino
- Versioni di Marco Porcio Catone
- Giustino