Olim callidus asinus per pratum errabat, sed repente lupum vidit. Quia fugere non poterat, claudicare incipiebat et flebat. Lupus asino appropinquavit et dixit: «Cur fles?». Ei respondit asinus: «Quia in talo meo spina acuta est et ego ambulare non possum. Amice, mihi succurre et a talo spinam extrahe». Lupus asino credit et succurrit, sed iam promptam praedam praegustat: in talo spinam petit, sed non invenit. Repente asinus calcitrat et lupi maxilla frangitur. Fabula docet: saepe astutia et consilio stulti superantur et adversariorum praestantia decipitur.
- Latino
- La Lingua delle Radici 1
- Versioni dai Libri di Esercizi
