Multi socii cum Romulo et Remo in unum locum conveniunt et in Latio conditur novum oppidum et Roma appellatur, sed cito Remus a Romulo necatur, quia discordia inter germanos erat. Sic Romulus solus regnum obtinet. Incolae novi oppidi matrimonia frustra desiderabant, quia feminas non habebant. Quare ad ludorum spectaculum Sabinos et proximorum locorum incolas invitant in agrum circa Romam. Dum ludi in rustico theatro a viris animo intento spectantur,Romuli socii puellas Sabinorum subito rapiunt et intra muros oppidi trahunt. Sabini propter iniuriam bellum contra Romanos movent.Sed cito discordiae inter duos populos cessant, quia pullae et matronae bellum abnuebant. Sic, ubi bellum cessat, a Romanis raptae puellae in matrimonium ducuntur et unus populus Romanorum et Sabinorum efficitur.
- Latino
- Nova Officina
- Versioni dai Libri di Esercizi
