Romanorum exercitus optime ordinatus erat et ad exercitum omnes tribus civitatis homines validos mittebant. Exercituum duces consules erant. Priscis temporibus Romulus et post Romuli obitum alii reges exercitum ordinaverant. Peditatus et equitatus in exercitus ordinibus pugnabant; fabri casta muniebant, munitiones et pontes aedificabant. In peditatu tres ordines militum erant: principum, hastatorum, triarorum: omnes hastis et telorum missu hostium impetus sustinebant. Etiam funditores in peditatu erant, levis armaturae milites, et fundis lapides in hostes iactabant. In equitatu autem nobiles et patricii stipendium merebant, equites ex equis certabant hastis et ensibus in exercitus cornubus: nam duo erant in exercitu cornua: dextrum et sinistrum. Apud cornua etiam sociorum auxilia dimicabant. In Romanorum exercitu ducis iussui omnes oboedire debebant.
- Latino
- Libro Nuovo Comprendere e tradurre
- Versioni dai Libri di Esercizi
