Habent insidias hominis blanditiae mali; quas ut vitemus, versus subiecti
monent. Canis parturiens cum rogasset alteram, ut fetum in eius tugurio deponeret, facile impetravit. Dein reposcenti locum
preces admovit, tempus exorans breve, dum firmiores catulos posset ducere. Hoc quoque consumpto flagitari validius cubile
coepit. ‘Si mihi et turbae meae par’ inquit ‘esse potueris, cedam loco’.
- Latino
- Le Fabulae di Gaio Giulio Fedro
- Fedro