Constat anno sescentesimo sexagesimo secundo ab Urbe condita primum civile bellum Romae commotum esse. Bellum ortum est C. Marii imperii cupiditate, qui cum sexiens consul electus erat. Nam, cum senatus imperium belli contra Mithridatem, ponti regem, qui Asia Achaiaque potitus erat, Sullae tradidisset, Marius adfectavit ut sibi universi exercitus imperium traderetur. Qua re iratus Sulla, qui iam Roma profectus erat, ex Campania cum exercitu suo ad urbem revertit ut iniuram sibi illatam ulcisceretur. Romam festinanter cum copiis suis pervenit ut in eam armatus ingrederetur priusquam cunsules, Marius eiusque collega Sulpicius, de suo adventu sentirent. Ibi contra Marium et Sulpicium dimicavit: Sulpicium interficit, Marium fugavit. Ita, ordinatis consulibus in futurum annum Cn. Octavio et Lucio Cornelio Cinna, ad Asiam contra Mithridatem profectus est.
- Latino
- Maiorum Lingua B
- Versioni dai Libri di Esercizi
