Apud Romanos praecipuus honos deo Marti tribuebatur; appellabatur enim «populi Romani parens», quia Romulus et Remus, Urbis conditores, eius filii erant. Antiquitus Mars etiam agriculturae deus putabatur: ex eius nomine enim primus veris mensis etiam nunc Martius appellatur. Sed a Romanis Mars ut belli deus praesertim colebatur et Gradïvus cognominabatur, quia in pugnam cum Romanis militibus incedebat et magnas clades eorum hostibus inferebat. Ante proelium Romanorum duces Martem invocabant, post victoriam partem praedae Marti praebebant. Locus in sinistra Tiberis ripa, ubi iuvenes Romani armis se exercebant, Campus Martius appellabatur. Deo Marti imperator Augustus splendidum templum in foro dicavit.
- Latino
- Maiorum Lingua A
- Versioni dai Libri di Esercizi
