Morte di Ercole

Deianira, Oenei filia, Herculis uxor, cum vidisset Iolen, virginem eximiae formae, captivam adductam esse, putavit se coniugio privari posse a puella. Itaque, memor centauri Nessi, qui ei dixerat vestem tinctam centauri sanguine viri amorem reddituram esse, Deianira misit Lichan famulum ut Herculi vestem ferret. Sed paulum sanguinis, quod in terram deciderat, ardere incepit. Cum Deianira id vidit, intellexit se deceptam esse a Nesso et, nolens coniugi suo obesse, misit alium famulum ut revocaret eum cui vestem dederat. Sed Hercules, qui eam iam induerat, statim flagravit; tunc, volens ardorem extinguere, in flumen se coniecit, sed flamma increbrescebat. Sortem suam prospiciens, heros in pyram ascendit et mortem occubuit. Deianira ob interitum Herculis se interfecit.