Inter antiquos deos Neptunus aquarum imperium habebat. Non solum Oceani, sed etiam fluviorum et rivorum patronus erat. Neptunus in Oceano vivebat in splendido palatio, ubi sedebat in aureo solio et dextra fuscinam tenebat, imperii signum. Neptunus Oceani aquas carro peragrabat; divinus carrus trahebatur ab equis marinis. Neptunus infestas procellas movebat aut sedabat; novae insulae inter undas subito excitabantur. Sacri erant Neptuno equus et delphinus: nautae aquarum deo tauros et equos immolabant. Antiqui Graeci et Romani Neptuno templa et aras in oris maritimis aedificabant; collocabant etiam dei simulacra in stadiis, ubi certabant equi, deo sacri.
- Latino
- Lingua Viva 1
- Versioni dai Libri di Esercizi
