O fons Bandusiae splendidior uitro,
dulci digne
mero non sine floribus,
cras donaberis haedo,
cui frons turgida cornibus
primis et uenerem et
proelia destinat.
Frustra: nam gelidos inficiet tibi
rubro sanguine riuos
lasciui suboles gregis.
Te flagrantis atrox hora Caniculae
nescit tangere, tu frigus amabile
fessis uomere tauris
praebes et pecori uago.
Fies nobilium tu quoque fontium
me dicente cauis impositam ilicem
saxis, unde
loquaces
tymphae desiliunt tuae.
- Latino
- Carmina di Gaio Valerio Catullo
- Orazio
