Versione tradotta dell’Ode 2, 6 di Orazio
Septimi, Gadis aditure mecum et
Cantabrum indoctum iuga ferre nostra et
barbaras
Syrtis, ubi Maura semper
aestuat unda,
Tibur Argeo positum colono
sit meae sedes utinam senectae,
sit modus lasso maris et uiarum
militiaeque.
Vnde si Parcae prohibent iniquae,
dulce pellitis
ouibus Galaesi
flumen et regnata petam Laconi
rura Phalantho.
Ille terrarum mihi praeter omnis
angulus
ridet, ubi non Hymetto
mella decedunt uiridique certat
baca Venafro,
uer ubi longum tepidasque praebet
Iuppiter brumas et amicus Aulon
fertili Baccho minimum Falernis
inuidet uuis.
Ille te mecum locus
et beatae
postulant arces; ibi tu calentem
debita sparges lacrima fauillam
uatis amici.
- Latino
- Carmina di Gaio Valerio Catullo
- Orazio
