Qui in aula potentioris facile ingredi possunt, egredi vero, etiamsi velint, facile non possunt. Leo quidam, fame confectus, se graviter aegrotare fingebat. Quod cum omnes silvae bestiae cognovissent, ad eius speluncam venerunt regem visitaturae, sed illas continuo ingressas leo vorabat. Vulpes vero veniens ante speluncam restîtit et procul humilîter eum salutavit. Cui leo: «Cur – inquit – non intras?». Respondit vulpes: «Quoniam video vestigia ingredientium; egredientium autem vestigia non video».
- Latino
- Maiorum Lingua B
- Versioni dai Libri di Esercizi
