De hoc Antigonus cum solus constituere non auderet ad consilium rettulit. Hic eum omnes primo perturbati
admirarentur non iam de eo sumptum esse supplicium a quo tot annos adeo essent male habiti ut saepe ad desperationem forent
adducti quique maximos duces interfecisset denique in quo uno tantum esset ut quoad ille viveret ipsi secari esse non possent
interfecto nihil habituri negotii essent postremo si illi redderet salutem quaerebant quibus amicis esset usurus: sese enim cum
Eumene apud eum non futuros. Hic cognita consilii voluntate tamen usque ad septimum diem deliberandi sibi spatium reliquit.
Tum autem cum iam vereretur ne qua seditio exercitus oriretur vetuit quemquam ad eum admitti et cotidianum victum removeri
iussit. Nam negabat se ei vim allaturum qui aliquando fuisset amicus. Hic tamen non amplius quam triduum fame fatigatus cum
castra moverentur insciente Antigono iugulatus est a custodibus.
- Latino
- De viris illustribus (Eumenes) di Cornelio Nepote
- Cornelio Nepote