Orthographiam, id est formulam rationemque
scribendi a grammaticis institutam, non adeo custodit ac videtur eorum potius sequi opinionem, qui perinde scribendum ac
loquamur existiment. Nam quod saepe non litteras modo sed syllabas aut permutat aut praeterit, communis hominum error est. Nec
ego id notarem, nisi mihi mirum videretur tradidisse aliquos, legato eum consulari successorem dedisse ut rudi et indocto,
cuius manu “ixi” pro “ipsi” scriptum animadverterit. Quotiens autem per notas scribit, B pro A, C pro B ac deinceps eadem
ratione sequentis litteras ponit; pro X autem duplex A.
- Latino
- Divus Augustus
- Svetonio